الثورة
تضحكني فكرة الضعف اللانهائي للإنسان
..
علي الرغم من الجهد المضني بحثا عن حقيقة وجوده
..
لا تأتي السعادة إلا لحظة إدراك عدم وجود السعادة
..
إذا تجرد الإنسان من أطر إجتماعية وروحانية يتشبث بها كمن يتشبث بقشة في بحر
..
لم يبق منه إلا كائن يسعي للبقاء رغما عن المخاطر المتربصة
..
والتي تفوق أضعاف أضعاف قوته وحجمه
..
ويتجلي جماله في السعي الشجاع لمواصلة الوجود
..
وينتهي وجوده إذا ما تخلي عن الصراع
..
الثورة هدف وليست وسيلة
Labels: فلسفة، خواطر
posted by عمر @ 7:12 PM
8 Comments:
كده برضه يا عمر
تطاوعنى ع السهر كد اهوووه
ايه يا وريث ..ميروك العوده يا مان..
افهم من كده ان الامتحانات حملها خف شويه.ربنا يقويك
-------------------------------
الانسان الضعيف يا وريث هو الانسان الذى لا يعرف مدى وقدر قوته..ولذلك هو ضعيف مستسلم للواقع المرير..
اخر جمله فى البوست بتاعك..( الثوره هدف وليست وسيله) ..عندما نفهم معنى هذه الجمله ونقتنع بمعناها..سوف نكون اسوياء قادرين على المقاومه والثوره حتى على النفس
ألف مبروك يا عمر على افتتاح المحل تانى... بس براحة علينا شوية!! أنت داخل فينا فلسفة كده من أولها؟
علي الرغم من الجهد المضني بحثا عن حقيقة وجوده..لا تأتي السعادة إلا لحظة إدراك عدم وجود السعادة
دول بقى أجمل جملتين عجبونى فى البوست!! تعرف الأنسان من ساعة بدء الخليقة بيحاول أنه يفهم الوجود والحياة وازاى يوصل للسعادة, وهو بيعمل كده -للأسف!- بيضيع لحظات السعادة من ايده!! كل واحد فينا بيقول انا هعمل كذا علشان أوصل لكذا علشان ساعتها هبقى سعيد.. لكن السعادة مش هدف بنوصله, السعادة هى الرحلة اللى بتوصلنا لهدفنا. يعنى لو كل واحد فينا مبقاش سعيد دلوقتى فى اللحظة دى مهما كانت, عمره ماهيكون سعيد.. وكل ده بيأكد الكلام اللى أنت كاتبه فى الأخر, جمال الأنسان فى الثورة أو فى السعى عاما مش فى الهدف اللى بيسعى علشانه
يا ياسلام عليك يا عمر.. حكم والله يابنى
:)
أرحم نفسك من المذاكرة شوية طالما أنها بتعمل معاك كده
ههههههههه
manal
لأنني أؤمن مثلك بفكرة "أيوة ممكن"أدعوك لزيارة مدونتي المتواضعة
http://asfoorelsharq.blogspot.com
ومرحبا بكل تعليقاتك وأرائك
طب حد يسيبني عليه
ابطحك بحاجة في نافوخك دلوقتي يعني
يعني تختفي فجاة ودون سابق انذار وترجع فجاة برضه ودون سابق انذار
والله فرحانة برجوعك ويارب تكون امتحاناتك بخير
والضغط خف عليك
ومش تعملها تاني
بص بقي
احيانا الانسان مش بيعمل اي شئ عشان يكلف نفسه العناء انه يجد حقيقة وجوده
لانه احيانا يتلذذ بضياعه
بس في ناس تانين بيحاولوا يجدوا سر سعادتهم في حزنهم
اما بالنسبة للصراع فهناك الصراع النفسي للانسان بداخله
وهناك اصراع مع الحياة
وهناك الصراع مع الاخرين
فاي صرراع تقصد
بغض النظر الانسان الضعيف هو الذي يستسلم لضعفة
اما كون الثورة تكون هدف وليست وسيله
فدة برضه يرجع للغرض من الثورة
المهم سيبك من الكلام اللي بقوله
انت بجد منور المدونة من تاني
وبليز مش تعملها تاني
نسيت اني اقولك اني حاول اتغلب علي موضوع النفي دة في قصيدة ليا هههه
حمدا الله على السلامة
عودا احمد
بس نازل جامد يعنى ثورة و بتاع
علي الرغم من الجهد المضني بحثا عن حقيقة وجوده..لا تأتي السعادة إلا لحظة إدراك عدم وجود السعادة
الجزء دا عجبنى جدا
جيت اسلم عليك
و سيب الثورة فى حالها
سيرتها بقيت على كل لسان بالباطل
ايه يا عم انت لسه سكران من ايام المكسيك ولا اتمسكت فى الثوره اللى انت منظمها هنا
واحتمال ثالث انك خلاص اتغنيت يا عم الحاج واول ما تبيع تبيع زعيم الدوله
طمنا يا وريث
ايوه يا عم الثورجى
انا مسافر مصر الاسبوع القادم
Post a Comment
<< Home