فرصة .... لو ضيعناها..... لا يحق لنا أن نبكي
....ياخوانا ركزوا معايا بقي الله يكرمكم
لما بقول "أيوة... ممكن" نغيير إلي بيحصل في بلدنا ونبقي شعب حر في بلد حر عايش بكرامة
....بتقولوا عليا بخرف
!لكن يا جماعة اللي بيحصل دلوقتي دليل قاطع علي انه فعلا.... ممكن
سبق وقلت قبل كدة إن الموضوع ما هواش تغيير في المؤسسات ولا ثورة شعبية ولا كفاح مسلح الموضوع يتلخص في توازن القوة
1+1=2
صح؟
مبارك ونظامه محتكرين السلطة في مصر
صح برده؟؟؟؟
(يبقي الحل إيه؟؟؟؟؟؟ الشعب لازم ترجعله السلطة تدريجيا (أظن برده صح.. نظريا
(طبعا النظام مش حيتطوع ويتنازل عن جزء من سلتطه (إظن دي متفقين عليها بقي..
إللي بيحصل الآن ياخواننا إن فيه سلطة أو قوة شعبية بكل ما تحمله الكلمة من معني بتتكون
أغلبكم طبعا عارفين فيديو الإغتصاب الشهير بتاع عصاية المقشة
(إللي مش عارف يروح يقرا( في كفاية حرام - الحج جرجس
الفيديو نشر في مدونة دماغ ماك... ثم انتشر كالبرق بين المدونين.. ومنهم إلي جريدتي الفجر والمصري اليوم
الآن الضباط المغتصبين (إللي هما زي ما قلنا فوق جزء من النظام الفاسد محتكر السلطة ونموذج ليه) بيترجوا الضحية علشان يتنازل عن المحضر....
يبقي المدونين أصبحوا قوة ولا مش قوة؟؟؟؟؟؟؟
حتي لو كانت واقعة وحيدة.. لكنها دليل علي ان إعادة السلطة المغتصبة ليس مستحيلا... حتي لو أخذ مئات السنين
.........................................................................
فرصة ذهبية يا مدونين ويا مدونات.. يا مثقفين ويا مثقفات... يا محبين لمصر وغيورين عليها
فرصة ذهبية لاستمرار التعاون .. استمرار العمل من أجل هذا البلد.. بواقعية من غير شعارات
فرصة ذهبية لاستعادة هذا الوطن المسلوب
فرصة... لو أضعناها... لا يحق لنا أن نشكو... أو نبكي علي حالنا
فلننتهز الفرصة الآن... أو لنصمت إلي الأبد
posted by عمر @ 5:53 AM
20 Comments:
ايوة صح
فرصة كويسة عمر افندي عامل تخفيضات الحقلك بطانيتين لحسن امن الدولة بيبقى برد حبتين
و ابقى هات معاك المقشة بتاعتك
علشان تبقى ون يوز
----
كان بدري عليك عليك بدري
محصلاك بالحلاوة و العيش حالا
متقلقش
يا صباح الفل
كلبوزة جاية عالصبح تعمل احباط عام هههههههه ماشي يا ستي مستنيين الحلاوة والبطاطين كل اللي ييجي منك كويس
I believe in the power of press nd the blogs & the electronic newspapers r huge part of the press now
I believe it's much faster than ordinary papers nd now we huv huge online newspapers which huv it's reputation nd read by many people
nd we should make use of most of it
before entering the blog world i used to read AHRAM , AHKBAR etc
i never new what really happens in Egypt , I got more depressed becoz the hidden things i discovered but still better than the darkness i was in
so i think ur right AMR "أيوة... ممكن"
Blogs can spread news nd make difference even if it wont reach to the level of revolution but at least it will enlighten many people nd get them updated with what happens nd one day ur voices will reach out that darkness
It will make a difference
N.b : i didn't know about Amad incident until now from ur blog nd thx for Url to the other blog i read the whole article there , i cant comment on it
خلاص يا ورييث هو انت بتبيع لب
انت هتعمل زى الدلاله
احنا هنعمل اللى علينا والباقى على الله..
مقاطعه هنقاطع... فيديوهات هننشر..
سيحان هنسيح..
لما نشوف اخرتها ايه مع ضباط الزينى بركات دول
كــــوبرا
شكرا ع السردينه ...فى الجول يا شقيق
العزيز جدا عمر
كلامك صح وألف صح
هي فرصة ولو ضيعناها يبقى نروح نحرق نفسنا بصيفحة بنزين 92 من أبو مية واربعين قرش
لا ألوم على من لا يقتنعون بإنه أيوة ممكن وإن لسة فيه أمل كما هو الاسم الآخر لمدونتي
لا ألوم عليهم بسبب منطقية طرحهم... فالأمل الذي نبشر به غير منطقي على الإطلاق.. والقوة الجديدة التي تولد اليوم هي بحق قوة جديدة من كل وجه
إلى كلبوزة وإلى الكوبرا الحديدية أقول راجعوا أخبار اعتصام غزل المحلة تحديدا وستعرفون جيدا أن كل أحكامنا المسبقة عن الشعب المصري بتثبت عدم دقتها
سبعتاشر ألف عامل وقفوا بدون أي توجيه سياسي وقالوا لأ
وهتفوا ضد مبارك وابنه وما هماش يسار ولا كفاية ولا بطيخ
هما مصريين عايزين حقهم
اعتصموا وأضربوا
والدولة رضخت لمطالبهم
لدرجة أن لا الشرطة قدرت عليهم ولا الجيش قبل إنه ينزل
يبقى لسة فيه أمل وأيوة ممكن
هههههههه
منك لله يا عمر.. يعنى احنا كلنا لسه ماشوفناش بعض لحد دلوقتى.. ويوم مانتقابل يبقى فى المعتقل؟
:)
طب اطلع عالبوكس بقى
شوية جد بقى
أنا مؤمنة طبعا باللى أنت بتقول عليه.. وأن الصحافة والمدونات ليها دور مهم. أنا شايفة أن دورها هو الوعى والوعى ده هو أساس كل شئ طبعا
المشكلة دلوقتى أن الحكومة زمان كانت بتقلل من النشاطات دى وبتحد منها علشان الوعى ماينتشرش.. دلوقتى بقى اللى عايز يقول حاجة يقولها وشوف ايه بقى اللى هيحصله بعد كده. يعنى نظام اخبطوا دماغكم فى الحيطة.. اللى عايزينه برضه هيمشى
هم بيوجهوا تيار الوعى ده عن طريق حاجتين: أول حاجة.. الوعى المضاد, يعنى تخلى الشعب غافل وملهى فى اللى هو فيه سواء بقى بالهلس ولا بالفقر
ثانيا: استخدام سياسة الترهيب.. وده سلاح أقوى مية مرة. أنا عندى احساس أن الفيديوهات بتاعت الظباط دى متسربة قصد!! أكنهم بيقولوا شوفوا اللى هيحصلكم يا حلوين
أنا معاك.. ايوه.. كل شئ ممكن! لكن الموضوع مش بالبساطة دى
احنا محتاجين نغير فكر شعب بحاله.. ده مش مستحيل.. لكن محتاج وقت
manal
والله لو عليا انا متفائلة
و خلاص الناس فاض بيها
و قريب قوى كل هينشر غسيله الوسخ و يقول اللى عنده
اصل الناس مش عايشة فهى موتة و للا أكتر بقى
النظام بجد ديكتاتويته توغلت فى كل حته و انا شايفة اننا لازم نفضل نتكلم حتى لو محصلش حاجة لكن يبقى ماخسرناش احتمالية ان شعاع نور يبان
اياكم يا ناس و ال
too late
البلد دى لازم تتفرمط
شكرا يا عمر ع اللينكات
جدا
_____________________-
على هامش القضية عملت ايه فى امتحاناتك ؟
منال اكيد الفيديو متسرب قصد
لان التصوير كان بموبايل و كان اللى بيصوره امين شرطة و بيقوله قول كذا و كذا و كذا علشان يبقى عبرة لمن يعتبر و لمن لا يعتبر يا اختى
بس ربنا قادر تدور الدواير و تتقلب على دماغهم و دماغ اللى جابوهم
عمر
انا متفقة معاك ان فى وقت اصبحت القوة من كلمة من تدوينة من بلاغ من فعل
حالة اليأس اللى كلنا سقطنا فيها لازم يكون فى وقت نخرج منها
ولما ابتدو بتحدى الشرطة وهى اكبر قوة باطشة فى مصر ده معناه ان فى امل
ولما غزل المحلة اخد حقه لما تحدى شركته ومجلسها وحكومته وخد حقه يبقى فى امل
لما كلنا هنتحى اوضاعنا السيئة يبقى اكيد هننجح
اكيد بالتحدى
تحياتى
الى جميع الزوار الكرام
عمـــــــر فى اجازه وانا واخد بالى من المدونه لحد ما يرجع بيته بسلامه
فا مش عاوزين صداع
اللى ليه عليه حاجه يجى يدفعها واللى ليه فلوس يستنى لما عمر يرجع
شكرا لكل من علقوا
أنا حاليا في مصر المحروسة أم الدنيا والحقيقة مع خالص حبي وتقديري واعتزازي بكل بني آدم فيكوا بس مش عايز أضيع وقت في الرد علي التعليقات في حين إني ممكن أكون بتسرمح في شوارع القاهرة
أرجو المعذرة فبعد عشرة أيام سوف أعود إلي اللي تنشك في قلبها بوسطن وسوف أترحم علي أيام القاهرة الدافئة
وعموما البلوج بلوجكم واللي عايز يشرب حاجة ولا نفسه يعفر ولا حاجة يقول للواد الزعيم رأفت بيه... انا عينته مدير للمدونة بعشرين دولار في الشهر... يلا رزق الهبل عالمجانين
عمر ما تنساش الطرشى فى رمسيس
ونورت مصر يللا خدلك حبة تلوث قبل ما ترجع نصيبك شايلينهولك من ساعة ما سافرت
رأفت
انت غيرت نشاطتك وبقيت تشتغل غفير؟ يالا.. أهى لقمة عيش برضه
:)
عمر
طب أنا ليا عندك 9 جنيه ونص بتوع السباك اللى سلكلك البلوج.. أخدهم من رأفت؟
:)
manal
تصدق بالله انك مخ كبير اوي يا واد يا عمر؟؟
بجد والله
ربنا يحرسك
الى الامام يا بني
سلامي
ايه ده انت في مصر؟؟
مش ححسدك و اقلك يا بختك بس حبقى اقلك انبسط و ابقى احكي لنا
او احكي لي بالذات
و اعمل السيناريو اللي كنت كتبتب لك عليه زمان
ربنا يبسطك و كل سنة و انت
طيب
سلام
منــــــــال
انا بأجمع الفلوس بس..انما الديون المفروض تستنى لحد ما عمر يجى ان شاء الله
ما انا باعمل اهو لحد ما صوتى اتبح يا ابنى
دة انا حتى طلعت عالمدونة بتاعتى اوشاعة انها منبر من لا منبر له
كل واحد ييجى يسخن الجو ويقول انا من مبنرى هذا ومن منبر شهروزة وكدة يعنى
لحد ما خلاص
اوسا حتحجزلى عنبر تسعة اللى جنبها فى الدور التحتانى من امن الدولة
بس حاجة تشرح القلب الحزين يا واد يا عمر لما تلاقى اننا من بيوتان وبنعمل كدة فى لاشارع
اومال لو كل المصريين اتحلت عقدة لسانه حيعملووووا ايـــــــــة؟؟؟
يلا بسيطة
عامل اية فى الامتحانات وكدة؟؟
عايز كل الناس تعرف مدونتك
ضيف نفسك في ارشيف المدونات العربية
http://arabblogs.blogspot.com/
ارسل لنا اسم مدونتك و عنوناها و اسمك
في كومنت على
http://arabblogs.blogspot.com/2006/12/blog-post.html
تفتكر كلامك صح... يعنى هيجى اليوم الى هيخاف الظالم من صوت الحق و كدة يعنى؟؟
على فكرة حبيت مدونتك...
تروح بالسلامة انشاء الله
Post a Comment
<< Home