!التعليم في مصر... محاولة للفهم... بس مفيش فايدة
بعد أربع شهور من الحياة في أمريكا بنت الدنيا المدللة (علي وزن أم الدنيا المدهولة) اكتشفت اني كنت موهوم. زي أي مواطن مصري كادح مشغول بهموم الوطن وترابه وطينه ومبيداته كنت اعتقد اني حبقي في جرة واطلع لبرة، او علي رأي الأغنية العجيبة دي اللي كنت بسمعها زمان "من يوم ما مشينا مالحاغة (اللي هي الحارة) طلعنا في العالي..." أكثر ما ادهشني هو اني ماندهشتش. مع الوقت فهمت ان الحياة هي الحياة.. بغباوتها وبوشها العكر.. علي رأي الشاويش عطية. الواقع أكثر تعقيدا من ان الواحد يقول هنا كلة خربان وهناك كله شغال
لكن الحقيقة في حاجة واحدة بس حسيت فيها بفرق ساحق ماحق... ألا وهي التعليم
الدكتور الأمريكاني من دول يا شباب يدخل المحاضرة مبتسما ومبرنشقا... وبمنتهي السعادة والانشكاح يسأل: ها ياولاد يا تري قريتوا الحكم؟؟؟؟؟ طب يلا بقي قولولي رأيكو فيه إيييييييه؟؟؟؟؟؟ عنها وتلاقي الشباب كله منطلق صواريخ يا معلم.. اللي يقوله "الحقيقة أنا شايف ان القاضي دة أهبل وعايز ضرب الجزمة" واللي يبرم شنباته ويتفلسف بشدة ويقول "لا والله دة راجل كويس وزي الفل.. بيس يعني يا مان.." مش بيقولوا كدة بالضبط بس حاجة زي كدة
المهم عنها وتلاقي المحاضرة خلصت.. وأخوكم قاعد مسبهل
فين ياخوانا المحاضرة؟ فيييين أم المقرر؟ فيين الصفحات اللي علينا واللي مش علينا؟
!فين أيام تعليمك يا مصر
فين كتاب الأحياء اللي مكتوب علي قفاه إلقاء القمامة والبصق في الشوارع يضر بصورة أمريكا امام السائح
ولا كتاب التاريخ إلي بيقول وقد كان كلينتون زعيما وطنيا وقائدا مخلصا ضحي من أجل رفعة وأمان الوطن وقد خلفه في الحكم الرئيس جورج دبليو بوش ليستكمل مسيرة الديمقراطية والرخاء
ولا امتحان الانجليزي اللي بيقول تحدث عن تأثير البيئة المحيطة علي المفردات لدي شيكسبير ثم ابرز المحسنات البديعية في البويم وأعرب كلمة دونكي وضعها في جملة مفيدة
ولا امتحان الرسم الي بيقول عبر عن مظاهر البهجة والسرور علي بحيرة ميتشيجان احتفالا بعيد الثانكس جيفينج ثم صمم شعارا تعبر فيه عن امتنانك لمجهودات سيدة أمريكا الأولي في مجالات الصحة والتعليم ورعاية الأيتام والمعاقين مستخدما 27 لون مختلف
الموضوع لا يحتاج خطة خمسية ولا سبعية ولا لجان ولا تغيير وزاري.. الموضوع بسيط جدا. الطالب المصري مش بيطلب منه يشغل دماغه. مش معضلة يعني. زي ما الواحد مننا بيشغل دراعه ولسانه وعدم المؤاخذة .....، يشغل دماغه.. كل ما في الأمر ان الأستاذ يحس علي عين أهله ويتنازل وينزل لمستوي الطالب الجربان اللي قاعد قدامه ويسأله "إيه رأيك يا حبيبي في الموضوع دة؟" حتلاقي الطالب بيشغل الجمجمة.. لكن برده هل يعقل ان الأستاذ الجليل العلامة الفهامة ابن بارم ديله خلاصة العلم والحكمة وعصارة المعرفة البشرية يسأل هذا الطالب الواطي المنحط عن رأية؟ ليه هي الدنيا خربت؟ حتي لو فيه 7000 راس في المدرج... لو الأستاذ بيعتمد علي النقاش حتي لو بيناقش نفسه نسبه النشاط العقلي حترتفع ونسبة انتحار الخلايا المخية يأسا واكتئابا حتنخفض ومش بعيد الطالب مننا بعد الشر عننا جميعا يتخرج من المدرسة أو الجامعة في مصر وهو عنده مخ
في يوم من أيام الطفولة البائسة كنت بسمع المأسوف علي مستمعيها نجوم اف ام، وكان فيه مذيع لطيف جدا بيقدم برنامج اسمه مش عارف ايه كدة كل ما تجاوب غلط كل ما تترزع علي قفاك.. حاجة زي كدة، المهم يعني زهرة الشباب دة سأل واحد من المستمعين البؤساء: اسماعيل معانا عالخط.. هاي سمعة، قوللي بقي.. يا تري بيتهوفن... إنجليزي؟ ولا ياباني؟ ولا هولنديييييييييي؟ هه.. يلا.. هوبا... يصرخ إسماعيل في يأس: إنجليزي! يرد المذيع التحفة: معلش ياسماعيل هارد لك.. هو هولندي
ملحوظة: الحكاية دي حصلت فعلا
ملحوظة 2: بيتهوفن ألماني
ملحوظة 3: ... ناشفة
posted by عمر @ 10:42 PM
97 Comments:
مش عارفة اقلك ايه يا عمر
انا كمان لما جيت انسطلت ازاي المحاضرة بتمشي
و الامتحانات بناخدها عالبيت
و الشفوي بنتصل بالدكتور و نسبله الاجابة عالاسئلة في التليفون
و حاجة سطلان يعني
حقلك ايه
حسبي الله و نعم الوكيل في اللي خرب التعليم في مصر و الدول العربية اللي اتبعت مصر
بس صحيح لو حكاية التلفون بتاع البرنامج دي صح تبقى مووووووووصيبة
و في الاخر احب اقلك تحب تسمع ايه؟
هههههه
ضربتنى فى مقتل يا عمر
التعليم فى مصر سلطة و حمضانة كمان
قول يا اخويا و اشجينا
ورينا بلاوينا اللى عارفينها
قلب علينا المواجع
لفة و هرجع تانى
علشان الموضوع سد نفسى
اصل انا التعليم عامل معايا قافلة
نداء الى كل الدخلاء على المجتمع الامبريكى
والنبى روحوا بأه علشان احنا اتخنقنا منك
وفلوسنا اللى بندفعوها للضرايب هنا جزء منها بيروح لكم على اساس منحه تعليميه
------------------------------
عارف يا عمــر وانا فى 3 اعدادى فى مصــر
كان مدرس الانجليزى بيخلى الفصل كله يقول وراه
إذ للمفرد أر للجمع
ووذ للمفرد ووير للجمع
واحنا ال40 بنى أدم نقول وراه
is للمفرد
R للجمع
was للمفرد
were للجمع
والاستاذ يزعق...ويقول
كل الفصل يعنى ورايا
احه بجد يعنى..
كويس اللى احنا ع الاقل اتعلمنا القراءه والكتابه..والفضل لماما سوزان
نداء الى كل الدخلاء على المجتمع الامبريكى
والنبى روحوا بأه علشان احنا اتخنقنا منك
وفلوسنا اللى بندفعوها للضرايب هنا جزء منها بيروح لكم على اساس منحه تعليميه
------------------------------
عارف يا عمــر وانا فى 3 اعدادى فى مصــر
كان مدرس الانجليزى بيخلى الفصل كله يقول وراه
إذ للمفرد أر للجمع
ووذ للمفرد ووير للجمع
واحنا ال40 بنى أدم نقول وراه
is للمفرد
R للجمع
was للمفرد
were للجمع
والاستاذ يزعق...ويقول
كل الفصل يعنى ورايا
احه بجد يعنى..
كويس اللى احنا ع الاقل اتعلمنا القراءه والكتابه..والفضل لماما سوزان
حفصة: اضم صوتي الي صوتك واكشف راسي وادعي علي اللي خربينها وقاعدين علي تلها
وحياتك يا حفصة الموضوع دة حصل.. ومن ساعتها اتعقدت من كل وسائل الإعلام المصرية
وفي النهاية احب اسمع اغنية صعبان عليا جفاك من غناك تامر حسني وألحان عصام كاريكا...
This comment has been removed by a blog administrator.
ههههههههه
حلوة يا رأفت حكاية
للمفرد is
للجمع are
أكيد كان بيقلكوا
للراجل he
للجحش it
صح؟
أنا حرة: أقلك حكاية تبسطك أكتر؟
واحد معرفة أستاذ في إحدي كليات الحقوق.. الراجل دخل المحاضرة أول يوم في السنة وقعد يسأل الطلبة أسئلة عن تعريف القانون، علاقة القانون بالمجتمع، وبالأخلاق وبالسلطة.. حاجات من اللي بعيد عن السامعين محاجة تفكير دي
المهم في آخر المحاضرة واحد من زعماء الطلبة قام وصرخ في وجهه: في يا أستاذ المنهج؟؟ حنذاكر من اي كتاب؟
رد الأستاذ في سعادة: الكتاب اللي انتوا عايزينوا.. اعملوا بحث في المكتبة واقروا في الكتب اللي تعجبكوا.. انا معنديش كتاب
اولا: الطلبة قدمت فيه شكوي لعميد الكلية وقالوا انه بيحاول يسقطهم (تقوليش الطلبة حامل في الشهر التامن(
ثانيا: اجتمع مجلس الكلية وقرر يوجهله إنذار
ثالثا: غطيني ياما وصوتي
يالهوىىىىىىىىىىىىىى
المصريين اهم يا اخويا
عارف انا كان كل مشكلتى مع التعليم
هل هخرج منه على رجلى بصحتى و عقلى
و للا هكون لسعت و ضربت من كل حته
سعادتى لما اتخرجت لسه يدوبك السنه دى
انى اتخرجت وانا عاقلة
وانا بحلم
وانا لسه انا
وان التعليم المتخلف الاهبل ده ما هزش معاميقى من جوة
تيجى تقولى بقى ايه علاقة دراستنا بالشغل يووووووووووووووه
قشريات ياابا قشريات
أنا حرة: ياريت ياختي كنا قشريات... عالاقل كان الكيلو مننا يبقي ب140 جنيه وممكن يتعمل علينا شوربة
انما بذمتك بعد العملية التخريبية الدماغية المستمرة دي إيه لازمتنا في الحياة؟
What a pity !
our education system if we can call it a system from the 1st place simply sucks
Both schools , colleges huv the same system in studying which depend on revising stuff from the books nd don't ever miss a sentence coz they simply correct the exams from the book so u huv to study the book word by word ." min el gelda lel gelda "
When i entered college i thought the system would change coz it's supposed to be a practical one , u know even the practical exams we had to study each step memorize the scheme well so we could pass.
We leave college as if we didn't enter , beside they don't prepare us for work , which a disaster especially when patient's life between ur hand !!
sorry 4 long reply but that topic pisses me off
فى اســـلوب اخر بديع للتعليم فى مصر
وهو اسلــوب الكم
اتذكــر وانا فى 5 ابتدائــى فى مصر
وقبل اجازه نصف السنه,,, الاستاذه طلبت مننا ان احنا نكتب كتاب العربى 10 مــرات..
ما علينا: ما الآخر زي مانتي قلتي.. زي ما مندخل زي ما بنخرج.. و علي رأي حفصة: تحبي تسمعي إييييه؟
رأفت: الله يكون في عونك يا عم.. انا دلوقت بس فهمت ايه سبب تمكنك الشديد من قواعد اللغة العربية
:)
أولا ازيك يا عمر ؟
ثانيا التعليم فى مصر بقى… بلا وكسة!! ده مايتوصفش! هتخرجوا الواحد عن شعوره
القصة اللى أنت حاكتها دى يابنى سيناريو بيحصل عندنا فى الكلية كل يوم
تعرف أنى قبل ما أدخل الكلية دى كنت بتخيل نفسى بقى وأنا قاعدة بتناقش مع الدكتور.. تقلش مى زيادة!! والمفروض أن ده اللى يحصل بما أننا بندرس أدب ونقد يعنى كل واحد مفروض يبعبر عن رأيه… كلام جميل
لا طبعا مش جميل خالص!! أنا دخلت الكلية من هنا وخت الصدمة! لاقيت الدكاترة فى سنة أولى بيعملونا على اننا عيال فى تالتة ابتدائى
كان فى دكتورة دراما بتقولنا: أنا مش عايزة حد يكتبلى رأيه فى الأمتحان! هو أنتم مين علشان تعلقوا على مسرحية زى دى
ولا دكتور الشعر كان مصمم أننا مجموعة من ال
idiots
اللى عمرهم ما هيفهموا ال
sonnets
بتاعت شكسبير- على حد كلامه
والله النظام ده جاب للعيال تخلف!! خلال درستى فى الكلية عدى علنا كام دكتور ولا دكتورة اتجننوا فى عقلهم وحاولوا يعاملونا كبنى ادميين ويسألونا عن رأينا! يتهيألى مصيرهم دلوقتى لا فى السجن لا فى مستشفى أمراض عصبية ونفسية
أنا مرة كنت بتكلم مع دكتورة من النوعية دىو لقيت ناس جم يسألوها أسئلة تعل وتشل وتجيب النقطة على غرار: يعنى نكتب ايه فى الامتحان؟ هى المسرحية كلها علينا؟ هنطلع نعمل ايه فى المكتبة؟ فى الامتحان نكتب كام صفحة للاجابة؟ تخيل
والله أنا لو كنت منها.. كان زمانى رميت نفسى من أقرب شباك
دلوقتى بقى أنا ماشية على نظام علم نفسك بنفسك! يعنى بقرأ كتب لوحدى وأنقدها مع نفسى كده… لا الا بطلع غلبى فيكم
:)
وفى الأخر بقى أحب اسمع أغنية: السح الدح امبو
:)
manal
هى الاخت البيضا بتدرس ايه؟
الصبر الصبر يا عمر
انت لسا حتشوف اكثر واكثر
لغاية الان بسال نفسي ازاي انا نجحت في ثلاث مواد في سنة ثانية بدون ما اقرا اي كتاب
وتخرجت من الجامعة ولسا بتسأل ازاي حصل هذا
Omar
try to fix the comment control to anyone can comment
Ironcopra tried to comment here, but he could not since he lost his password. lol
he left you few comments in my blog
منال: قال صحيح انتي اليوزرنيم بتاعك معناه البيضة؟ علي اساس ان البيضة فيها البروتين علي راي عبد العزيز مخيون في المسلسل بتاع بنسيون الحاجة ماريكا؟
ماتعرفيش يا منال الأستاذة دي حصلها ايه؟ ابقي اسألي عليها يا أختي ينوبك فيها ثواب جايز تكون مزنوقة في قرشين ولا عايزة تجيب دوا ولا حاجة
رأفت: يا عم عمالة تقولك نقد ومسرحيات انت فيه ايه في مخك؟ أكيد بكالوريوس زراعة
هيموجلوبين: هية دي قيمة التعليم المصري اللي احنا مش فاهمينها.. بيدفع الإنسان للتساؤل والتأمل في ملكوت الله، ولا حول ولا قوة إلا بالله
تم إلغاء الكومنت كونترول وكل عام وأتنم بخير...
اتفضل يا حج كوبرا بيتك ومطرحك
إيه دة؟؟؟ فين أسماء الناس اللي علقت؟؟؟؟
الله يخرب بيتك يا بلوجر الكلب
انا مش هقولك غير قصة واحدة وهي مأساة ليا في حد ذاتها
يوم ما جالي تعيني في الكلية قالولي تحبي تخشي قسم ايه
وفعلا قسمين رشحوني وانا اخترت قسم تاني
لكن العميدة اللي ركبت دماغها شمال
قالتلي لا لادة ولا دة
هدخلك قسم تاني خالص
يا سيتي الحاجة المادة دي اصلا مش بحبها قالتلي هتحبيها
مش عارفة عنها حاجة
هتتعلمي
يا سيتنا الاربع سنين بتوع الكليه مش كانوا كافلين اني افهمها واحبها اقوم افهمها وانا بدرس للبنات
وعليها اجبرت علي قسم لا افهه فيه شيئا
اي نعم انا دلوقتي من احسن الدكاترة اللي بيدرسوا المادة دي بس عشان اسباب كتيرة
بس انا اتناقشت معاها وهي لا
يعني من الاخر احيانا مش في كل الاحيان المدرس بيبقي مجبر علي شئ ومش بايده
حلها بقي في ايد الكبير اللي فوق
بس انت جيت علي حرية التعبير والراي هو ايه في حاتنا صح
احه يا عمر سورى يعنى
فين اسمى يا وريث.. دا صحوبيه ايه دى اللى مش جايبه تمنها
موضوع البيضا
اصل الاستاذ شريف الصيفى كان بينادى على منال بالاسم ده وكل ما افتكر..باموت م الضحك
انا فعلا قلت انها بكالوريوس زراعه
عمر ورأفت
منكم لله!!!! بيضة ايه بس؟ شايفنى خارجة عليكم من عشة فراخ؟
:) :)
وعن دراستى.. فهى فعلا قريبة من الزراعة.. طول عمرى بقول عليك نبيه يا عمر.. ماشاء الله عليك
:) :)
أنا- بعيد عن السامعين والواقفين والقاعدين والصاحيين والماشيين!!- بدرس ترجمة ونقد وأدب انجليزى.. ده غير اللغة الطاليانى
:)
manal
رائع، رائع رائع يا عمر
تعرف أنا كنت في نحة دراسية لألمانيا لمدة ترم دراسي واحد بعد عودتي للجامعة المصرية كنت عايز أبطل تعليم خالص، بس دي كانت أخر سنة وقلت انهيها وخلاص
اسلوبك الساخر المر فيه صدق
كوبرا: انا كمان خريج نفس الكلية بس قسم ألماني بس أنا طبعا اقدم منك ، إزيك يا زميل
ههههههههههههههههههههههههههه
انا مش بتحك على البلوج
انا بتحك على المسخرة اللى فى التعليق
نديم: وحياتك أنا مرة رحت تبادل ثقافي مع مدرسة في أرياف امريكا من سبع سنين، وأول مارجعت دبيت خناقة مع رئيس القسم ومدير المدرسة في مصر وكنت حترفد
أجدع واحد: يا معلم اضحك عللي يريحك.. تيك ات إيزي يعني
يا سلام يا كوبـــرا يا بتاع زمان
هههههههههههههههههه
قول يا مان ...
بنى سويف..هههههههههههه ...
والله انتو صعبانين على فى موضوع الجيش ده اوى..
اخوكم مارحش جيش...ههههه
ازدواج جنسه وخطر ع الامن العام
عمـــــــر
سورى ان جرحت مشاعرك الرقيقه بكلمه احه..
منــال
موضوع الادب الانجليزى ده اشتغاله
انت بتدرسى زراعه..مش عييب ولا حرام
رأفت: انت جي تطفشلي الزباين؟ يا عم انا رزعتها السؤال التمام في الترجمة وأديها بقالها 24 بتحاول تجاوب..
خدي وقتك يا منال ممكن تسألي صاحباتك بتوع الكلية لو عايزة... وخليهم تلات اسئلة اختياري.. يااااالا! عشان بس متقوليش ان انا متعسف
اولا انا بحب مصر جدا سواء سافرت او ما سافرتش
ثانيا انا بكره امريكا و اللي فيها سواء سافرت او لأ
ثالثا الايميل بتاعي
nahrelhob_e@yahoo.com
This comment has been removed by the author.
نهـــــــــــر الحب
بتكرهى امريكــا باللى فيها؟
ليه يا ترى؟ عملنا لك ايه بس
صباح الفل ياجدعان الكوبرا الحديدية معاكم من موقع الحدث :
نديم : صباح الفل يازمل (حلوة زميل اللي أنت قلتها دي بتحسسني أن أحنا رد سجون و عموما تربة عين شمس ماتفرقش كتير عن السجن خصوصا في الأيام الخوالي)
وبعدين تعالالي هنا أقدم مني أزاي أنت دفعة كام يعني , دة أنا كنت فاكر روحي أقدم واحد في القعدة .
رأفت :أية بتاع زمان دي أنت شايفني أنتيكة ولا أية .
صبرك عليا هاحكيلك كل حاجة , وبعدين أنت مادخلتش الجيش بسيطة يا سيدي ملحوقة شوفوة فيديو .
عمر :جايلك في الكلام ياشئيئ أصبر على رزقك دة أنا عني حكاوي و بلاوي (9 سنين مظلات و سنة جيش و سبع سنين تربية و تعليم ) أخوكم لافف و داير و يمكن أحكيلكم على الكلية كمان لو ربنا أدانا عمر.
نهر الحب: يعني انتي تغيبي شهر وبعدين جاية تخبطي في الحلل؟ هاهاها عالعموم منورة كالعادة وشكرا عالإيميل
رأفت: يا عم الله يخليك بلاش دور المواطن الأمريكي المطحون ده مش لايق عليك... هههه
يا عم كوبرا انت جاي تحنسنا؟ ما تجيب اللي عندك يا عم الحج.. دانت راجل 9 سنين مظلات يعني متوتك
كوبرا: انا خريج 86
لكني لم أعمل بالتدريس
عملت كام سنة في السياحة قم سافرت لاكمل دراستي في المانيا
شكرا على طلتك على مدونتي بس أنا اسف جدا مٌسح تعليقك بدون قصد مني
تعرف طبعا ان قسم اللغة الالمانية كان قسم ذو خصوصية لكننا كنا نجتمع بطلبة الفزياء وغيرهم في محاضرات التربية
ايه ده؟ مش تقولى أنك سايبلى سؤال يا عمر... ما علينا
على العموم ده سهل جدا وممكن أحله بصباع رجلى الصغير
أولا الجملة مكتوبة باللغة الزيمبابوية.. فنترجمها الأول بالعربى
من فضلك أدينى حزمتين جرير واتوصى
ومن هنا ممكن نترجمها للانجليزية بكل سهولة
I want two burger sandwiches without cheese please
أما بالطليانى بقى فهيكون شكلها كده
Uccidero Omar and Raafat perche sono pazzi
وطبعا بالفيومى هتكون الترجمة مختلفة شوية
ماتزوقينى يا ماما أوام يا ماما
:) :)
شفت بقى أى خدمة يا عم عمر
manal
ترجمتك الفيومي غلط يا بيضا
الترجمة الصحيحية. شيخ البلد خلف ولد
أنت متسربعة عالجواز ليه
على رأي المثل
راحت العازبة تشكي لقت المجوزة بتبكي
نديــــــــــــــم
حلاوتــــــك يا باشـــــا
ههههههههههههههههههههههههههه
حلو المنشور بتاع
راحت المعزبه تشتكى لقت المتجوزهه بتبكى
ههههههههههههههههههههههههههههه
وعلى الطلاق انت اصلى
Ironcobra
سمسم يا متألق
الفول كان جاهز ولا انت اللى عامله يا مان
هههههههههههههههههه
--------------------------------
منـــــــال
بتشتمينى بالايطالى
ماشى
ايوه يا بنى... علشان محدش تانى يفهم
:) :)
manal
منـــــــال
شفتى الاستاذ شـــريف وهو بيقولك
بيضا
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
با تدحرج على ظهرى من الضحك
بتدحرج على ضهرك؟ ماشى.. ماشى يا عم الكورة
شوف بقى مين اللى هيمسكلك الحملة الانتخابية
manal
الكائن الجميل منال : عندك تفسير ، الناس دول فشتهم عايمة كده لية
والله ماعرف يا أستاذ شريف!! من ساعة ماسمعوا كلمة البيضا دى وهما مسكنهالى زلة
اهى.. اهى.. اهى
:(
يرضيك كده؟
عاجبنى موضوع فشتهم عايمة ده أوى
:) :)
manal
قــــــول يا نديــــــــم
اسمها بيضا
هههههههههههههههههههههههههههه
ادينى واحد مثال من بتوع جات الحزينه تفرح ما لقتلاهاش مطر
قــــــول يا نديــــــــم
اسمها بيضا
هههههههههههههههههههههههههههه
ادينى واحد مثال من بتوع جات الحزينه تفرح ما لقتلاهاش مطر
This comment has been removed by the author.
منـــــــــال
الحمله الانتخابيه حاجه والهزار حاجه
الحمله الانتخابيه دى مستقبل دوله.. مش هزار
إلى عمر والمهاجر والكوبرا والبيضا: على مدونتي لنك بعنوان رد الاعتبار لانتفاضة يناير، هما كام سطر مش كتير، عايزين ياولاد نعمل احتفالية بالحدث
كام ولد من ولاد بلدنا حيشتغلوا معانا
الموضوع هام
قولولي رأيكم
منال، أنا أسف أنا مش حاقولك يا بيضا تاني
رغم أنه عاجبني جدا
أحترس مني يا مهاجر أنا مجمع في دماغي كل الامثال المصرية تحب أرقعك واحد
براحتك يا أستاذ شريف.. قول اللى أنت عايزه
هى بس شوية غلاسة مع رأفت وخلاص
:) :)
manal
منال : أنت كائن جميل، أنت وأمثالك سبب كافي لمواصلة الحب والتواصل مع وطن المصريين
ربنا يخليكم لبعض ويخليكم للبلدويطرح البركة فيكم
ربنا يخليك يا أستاذ شريف
ربنا عالم قد ايه أنا بحب عمر ورأفت... علشان كده بغتت عليهم
:) :) :)
manal
انا حاسس اني بتشتم بالطلياني
لأ ومش لوحدي
أنا بيتزا يا منال؟ ماشي... طيب عالأقل سلايس البيتزا بسبعة جنيه.. انما البيضة المسلوقة بتجيبيها من علي عربية الفول بكام؟ هاهاهاهاها
يا عم الكوبرا انت بتغيظني؟ وحياتك انا نازل مصر كمان 10 ايام وحجيب قدرة فول وحاعوم فيها يا معلم.. حمشي علي رجيم فول، سبع مرات في اليوم
رأفت: بتدحرج ليه؟ بقيت بيضة انت كمان؟ تقدر تقوللي لما تطلع بيضة من التلاجة إزاي تعرف إذا كانت مسلوقة ولا نية؟
أ. شريف: ما تقلقش علي منال.. هي صحيح كائن جميل وكل حاجة.. بس الأمر ما يسلمش من شوية مناوشات
راحت المعذبة تشتكي؟ مش عارف تقرا المثل كمان يا رأفت؟ وعاملي زعيم الثورة الشعبية؟ عليا النعمة انت لو مسكت البلد دي حتبقي العيشة آخر مزاج
على النعمه انا لسه بأضحك ع المثل بتاع الاستاذ شريف يعنى انا روحت من الشغل وروحت المطعم واكلت ولسه بأضحك وبأدحرج وفشتى عايمه..ايوووووووه
ههههههههههههههههههههههههههههههه
والله اصلى يا استاذ شريف اصلى يا مان
ومش عاوزك تقلق على بيضا
منـــــــال
يعنى..دا انا وعمــر ملناش غيرها والله
واللى فى القلب فى القلب
كــــــوبرا
فول يا مان..وكمان بتدمسه
هههههههههههههههههههه
عمــــــر
عاوزك تركز شويه فى انشاء الدوله الرأفتانيه
فى طلبات كتيره على الوظائف
وفى هوجه حريم..مسوره حريم انفتحت فى البلوج اللى جانبى وكلهم عاوزي يمســكوا مناصب..ولا واحده فيهم معاها واسطه
شوف نفسك بأه وابدأ انت والكوبــرا فى كتابه الدستــور..انا بأكتب القوانين
على النعمه انا من غيركم كنت فى مكنه شغاله فلوس وخلاص..ومش عايش..
انتوا خليتونى اضحك من قلبى وافرح اوى
جتكم نيله مليتو البلد
رأفت... أنت لسه صاحى؟
أنا قلت هتروح من الشغل تنام زى الفسيخة بعد المناقشات السياسية العويصة اللى أنت قمت بيه النهاردة دى
:)
manal
رأفت: ماشي يا عم قعد انت بس عد في الفلوس واضحك! صباحو قر يا سيدي
بس برضه ما قلتليش إزاي تعرف البيضة المسلوقة من النية؟
ولا منال هي الخبيرة في الحكاية دي؟
عمر
بيتزا ايه بس يا بنى؟ لا.. وفول وبيض كمان.... شكلك واقع مالجوع
:)
أنا بأكل ساندوتش كفتة... تأخد حتة؟
manal
اخخخخخخخخخخخ... بتجيلي عالجرح دايما كدة يا منال... انا خلاص جبت أخري من التشيكن سوسدج وأنكل بنز والقهوة والمضروبة بتاعتهم
أنت مش بتقول نازل مصر قريب؟ وأنت راجع هبقى أعملك طاجن مسقعة وملوخية بالأرانب.. خدهم معاك... بس خد بالك يمسكوك فى المطار, بعدين يقولوا عليك ارهابى ومعاه أسلحة نووية
:) :)
manal
منال: انتي بتستمتعي بتعذيبي؟ يا ستي بقولك مجرد ذكر الأسماء دي بتصعب عليا نفسي.. حراااااااااااااااام
خلاص ماتزعلش... طب أسلقلك بيضتين؟
ههههههههههه
manal
ماجبتش حاجة من عندي؟ لأ متشكرين، وفري البيض المسلوق يا بيضا
:)
انا اسمى اتمسح برده:(
سؤال لمنال: مال اسم المدونة بتاعتك بتتنطق اية بالظبط؟؟؟
ما علــينا
الاجابه لسؤالك بخصوص منال
اسم المدونه البيضا..حتى اسألى الاستاذ شريف
-------------------------------
الساعه 8:36 صباحا بتوقيت الدوله الرأفتانيه
يا فتاح يا عليم يا رزاق يا كريـم
عامل ايه يا وريث؟؟؟؟
تمام يا ريس.. عندي بتاع 1500 صفحة أقراهم عشان الامتحان.. حاجة تقرف
وواحدة زميلة من روسيا عمالة تزن علي أم نافوخي عايزاني أذاكر معاها.. بذمتك انت يا زعيم في حد في الدنيا يذاكر مع حرمة من روسيا؟
يلا ربنا يسترها معانا.. وكما قال الشاعر: الواحد يروح يذاكر أحسن
اوعى من بتــوع روســيا دول يا وريث
لسه ملدوع مقلب من دول الاسبــوع اللى فات
قالت نذاكــر فى البيت برده.. واخوك حمار.. مش اقولها المكتبه فاضيه اهيه ؟ لأ...واروح البيت لا مذاكــره ولا هبـاب
ولا مذاكرتش هتسوء سمعه المصريين
وولاد الكلب حلــوين اوى
اخلع من بتوع روسيا يا وريث
ماشي يا زعيم، حنحول علي جنوب شرق آسيا
وبرده ابعد عن اليابان وكــوريا
بيعوزو بتجوزوا علطول
لو لقيت حاجه برازيلى او بورتريكو.. او كولمبيا..
دوس بقلب جامــد
امريكا الجنوبيه عموما امــان
يا عم يتجوزوا ايه وبتاع ايه.. بقوللك عايز اشتري عربية ياباني
علي طول فاهمني غلط كدة؟
والله يا عمــــــــر
هو اليابانــى لا يعلا عليه..
بس خد باللك ..انا مش عاوزك تدبس..
صباح الفل يابشر : أنا الكوبرا الحديدية , معلهش مقصر معاكم شوية أصل عندي مؤتمر أبتدي أول أمبارح و هيخلص بكرة فمعلهش باجي المكتب الصبح بدري أضربللي شوية قهوة (لاحسن أنتوا عارفين القهوة اللي بيعملوها في المؤتمرات و المناسبات اللي زي دي عاملة زي مية غسيل المواعين)وبعد كدة باجري على وقائع جلسات المؤتمر و لما بارجع البيت يادوبك الحق أغير و أصلي و أكتبلكم كلمتين في السريع و بعد كدة العشا يتحط و بعد العشا لازم أقضي الوقت مع الأسرة ماينفعش أسيبهم و أخش على الكمبيوتر , أنتوا عارفين بأة التزامات الجواز .
عمر : نزول مصر أية اللي أنت بتتكلم علية كمان 10 أيام أنت مش بتقول لسة جاي من شهرين و قصادك كمان بتاع 7 شهور على ماتخلص الكورس بتاعك .
رأفت : ماعطلكش يا عم الحج مش عايز لا وزارة ولا دستور و لا دياولوة , داحنا يا عم لسة بنقول ياهادي و أنقلبوا عليك و كمان أعدموك مع نفسك أنت بأة يا شئيئ , لما تبقى تعرف تحكم البلد بقبضة من حديد أبقى أتصل بيا .
ولة ياعمر أوعى الروسي يالة دول بيتلككوا , مرة رحت أشوف نتيجة أمتحان لما كنت بادرس الماجيستير وسبت مراتي قاعدة في العربية عقبال مارجع حاجة زي 5 دقائق كدة حتى سبت العربية دايرة و احدة روسية لاتعرفني ولا أعرفها و لا عمري في حياتي شفتها الظاهر و اللة أعلم كانت بتشوف نتيجتها هى روخرة و كنت هتشقط , فخلي بالك أوي قد أزعر من أهزر .
التوقيع : الكوبرا الحديدية
ماشى يا كــوبرا
حتى انت يا رفيق..عاوز تتخلى عنى
انا غلط من الاول انى فتحت باب العضويه
كنت انا وانت وعمــر خلاص
قوله يا سمسم ع النســوان الروس
قوله يا مــان
خد بالك من شغلك يا سمسم و متقلقش علينا..
انا خالص اخر السنه بأه وبنشطب..فعلشان كده قاعد ملطوع
عمر نازل علشان اجازه نصف السنه وراجع تانى ان شاء الله ..وانا نازل فى فبراير لو عاوز بتعت غساله ولا حاجه
يا شباب
ادعوكم لدعم حملة رد الاعتبار لانتفاضة يناير الشعبية عام 1977
إيدكم معانا يا شباب
والله يا ما علينا هو اسم المدونة البيدا
هتقوليلى يعنى ايه؟ هقولك الله أعلم!! بس هو اسم بحبه وخلاص
manal
يا عم كوبرا ما تقلقش.. كله في التمام.. إدينا انت بس مغامراتك في المظلات يا معلم
منال: أنا رأيي تغيري النيكنيم اللي جايبلك الكلام دة
اناااااااا فهمت يا جماعة
قصدها " البيداء" يعنى الصحراء القافلة
اى خدمة " ما عليناا لفك الطلاسم و الاعمال"
نغيره ايه يا عمر؟!! ده أنا عايزة أولع فيه
واحد يقولى البيضا والتانية تقولى البيداء وواحدة تالتة تقولى قلبى ده
منكم لله كرهتونى فى الاسم... أنا هاسمى نفسى تفيدة أحسن
manal
ضحكتونى ياشباب..أضحك الله سنكم...تعليم ايه اللى فى مصر ده..اسمع دى.. كليه الصيدله حامعه القاهره..كليتى بالمناسبه أياااااام ماكان فيها تعليم...أحتمعت بعض الخريجات حديثا واللى اتعينوا معيدات بالكليه.. بالعميد لتقديم بعض الطلبات..اللى عايزه تغير القسم واللى عايزه تروح جامعه تانيه ..الخ ألخ..فقال لهن لافض فوه "اللى مش حتتحجب حاتتعب قوى ف الماجستير..؟؟" فواحده أنسحيت من لسانها وقالت له "طب واﻷقياط يادكتور..؟؟" فأفتى "لااااا دول مالهومش أمل خالص..؟؟" أصلها عزبه أبوه..طبعا أستقالت الشابه وجت على كندا وهى تعمل اﻷن فى مركز بحوث تابع للحكومه الفبدراليه ومعاها دكتوراه وصديقه عزيزه..زوجها نفس الحدوته..أستشارى قلب وأستاذ زائر فى أمريكا..وسلملى ع الترماى..على فكره أنا مسلم مفقوع م التخلف..خد دى كمان بنتى "ساره" ناقشت معايا من كام يوم موضوع اﻷستنساخ البشرى عشان بيدرسوه فى البيولوحى ف المدرسه وبتطلب رأيى ف الموضوع ..ليه ياحبيبتى..عشان فيه سؤال أساسى أناقش فيه موضوع بيولوجى من وجهه نظر أجتماعيه..مش كنتوا يتعملوا كده ف مصر يابابا......هعهعهعهعهع..ده أنا طبعا....طولت سورى .... خالد...ومبامسا
ليه كدة بس يا تفيدة؟ قصدي يا منال؟ هو اسم جميل جدا الحقيقة بس لو تفهمي الجهلة من أمثالنا معناه ايه حتريحي الجميع وتنأي بنفسك عن الشبهات (ايه رأيك في الحتة الضليعة دي؟) أي خدمة
أبو فارس: اللي بتحكيه عن صيدلة القاهرة دة مهزلة بكل المقاييس.. لكن في زمن أصبحت المهازل فيه هي القاعدة.. وبالتالي حتبقي مهزلة لو استغربنا.. ربنا يصبرنا جميعا
جامدة يا عمر
:)
بس المشكلة والله يا بنى.. أن أنا نفسى معرفش يعنى ايه
manal
بيثهوفن إيههه؟؟؟؟؟ مش مصدقة.... يا عينى على شبابك يا مصر...
و بعدين حضرتك اتجننت عايز المدرس يسأل الطلبة إييه رائيكوا... هزلت... يابنى انا الدكتور اللى بيدينى فى الدرس (باخد دروس فى الجامعة ذى ثناوى) المهم الدكتور قالنا اوعوا حد فيكوا يقول معلومة للدكتور اللى بيمتحنك فى الشفوى مايعرفهاش ولا تتكلموا بأكسنت انجلبش عدلت اعوجوا لسانكوا عشان مايقولش عليكوا بتتنططوا علييه... حدث بالفعل
Post a Comment
<< Home