للبيع
أشكر لجميع السادة الضيوف التعليقات الكريمة علي التدوينة السابقة (اللي تحت دي علي طول) ويسرنا ان نعلن لسيادتكم عرض المدونة للبيع بالتقسيط وبدون فوائد وبدون أقساط وذلك لدواعي الملل أو الكسل أو الخمول علي رأي شيرين سيف النصر في فيلم النوم في العسل.. وعليه فقد قررنا بيع المدونة لأعلي سعر أو إغلاقها لأجل غير مسمي وذلك بعد أن جفت الكلمات كما تجف المياه في مواسير مدينة نصر والحي العاشر
..
..
..
علي السادة الراغبين في شراء مدونة حديثة استعمال طالب التقدم بالعروض في اظرف مغلقة خلال الاحدي عشرة دقيقة القادمة
..
posted by عمر @ 6:49 AM
21 Comments:
احه جدا يا وريث
بيع ايه..وحنا لاقين ناكل اصلا علشان نشترى حاجه
انا عارف ان العمليه متكعبله شويه معاك..علشان الامتحانات والحاجات دى..
وعموما لو هتبيع انا هاشترى يامان
علشان لما تعوزها تانى..اديهالك من غير ما حد يتحكم فيك ويذلك...
وبعدين عمليه الجفاف دى موجوده عند كل الناس
زى ما تقول ان الواحد كان متحمس كده وبتاع ..وبعدين حصل خمول مش زى بتاع شرين سيف النصر
لان خمول شرين النصر له دواء..الا وهو الفياجرا او السيالس
لكن خمول العقول ملوش حل غير راحه البال والروقان
روق يا وريث
ههههههههههههههههههههههههههه
اشطه يا ابو السماسم
فحلين بصل اخضر علشان تنسى
هههههههههههههههههههههههه
ماتقولش ويسكى يا خى
ههههههههههههههههه
لا حول ولا قوة الا بالله!! ليه بس كده يا بنى؟ معلش بكرة الافكارة تجيلك والالهام يرجع زى زمان (منه لله ابو رامى ده!!) سيبك أنت بس من حكاية البيع وصور العناكيب اللى انت حاططها بره دى
واوعى تبيع المدونة لرأفت.. ده عايز يأجرها مفروش لأوبح بتاعته دى لما يجبها من اسكندرية!! نزل اعلان فى الجرايد احسن
:)
manal
طب ايه .. ارهنه بس طيب .. ان شاء الله ربنا يفكها عليك :)
ايه ده انا كنت معدية كده على المدونات لقيت لمة و زيطة و زمليطة
لا مش ممكن عمر بيبييع
اياك تبيع هتعمل زى فيلم عايز حقى لما باع البلد
اياك تبيع بلدك قصدى بلوجك و خصوصا لرافت لو ناوى يعنى اعرضها فى الوسيط و بيع لاعلى سعر
شوف مصلحتك يا ابنى
و بالنسبة لحالة الجفاف فالنيل السنة دى فايض يعنى تقدر تشرب
و لو منفعش قولى و انا اقعلالك محاليل و حركات علشان تقوم بالسلامة
ايه ريحة الاستسلام و الغدر دى
يعنى اللى يعوزك يروح فين
تكونش نهبتلك قرض و هتهرب بيه ياواد ؟
غير ان السوق نايم اليومين دول
معندكش حاجة ايجار ؟
:)
_______________--
لا بطل دلع الله يكرمك
ماتعملش زى عواد اللى باع أرضه
خليك معانا هنا
و اكتب لما يجيلك مزاجك
احنا مش غاصبينك يعنى
ماتبقاش رخم بقى
__________
هقولك سيبه كده
انت عارف الدنيا ممكن تغدر بيك و ماتلاقيش حته غيرة
خليه حتى لعيالك
عمر
ليه الانسحاب المبكر من الخطوط الخلفية لما قبل 2006
ساعات مش بنلاقى كلام لكن ساعات تانية بتكون فى افكار كتيرة
سيب المدونة فى وقت هتحتاج تتكلم هتلاقى حد يسمعك
تحياتى
جفاف ايه كل القلل دى قصدى البلوجرز دول يعملو ايه من بعدك يا عم
لالالا سيبك من رأفت عامل زى اليهود يقولك بعلى وبعدين يديك بومبه
روق كدا كلنا امتحنا ونيلنا الدنيا عادى
بلاش حكايه البيع دى بس عشان الفال بعدين رافت مروقك هناك وجيبلك سوسو وتوتو كل دا ولسه عندك خمول هههههههههه
قولى له يا همســــى الليل
دا فى ماسوره نسوان انفتحت علشان عمر
يا عمر يا بني متتبطرش على النعمة اديك شفت اللي حصل لي
هي حالة و حتعدي
خد فترة نقاهة و حتبص جتلك حالة كتابة اندفاعية و حابب تعلق على كلمة و كل فتفوتة
يلا سلام
ايه يا عمر؟!! ايه الأخبار دلوقتى؟
على العموم أنا عندى زبون لقطة عايز يشترى المدونة بتاعتك وهيفتحها دار أيتام... والسعر اللى أنت عايزه هيدهولك- وعمولتى محفوظة طبعا
أهو يبقى أسمك عملت خير تكفر بيه عن سيائتك وعن سوسو
هههههههههه
manal
الارض لو عطشانه نرويها بدمانا
تيررا....را ....را ...
بس بلاش كلام فارغ تبيع ايه هوا الكلام بفلوس حتى النعمه الي ربنا ادهلنا هترفصها كده بسهوله فوق يا عواد
تحياتشي
عمر اللله يحرق الامتحانات اللى منسياك الناس
فينك ياراجل
انت الحال تدهور بيك للدرجه دي ومش لاقي حاجه تبيعها الا المدونه الغلبانه طيب قول واحنا نلملك ...وربنا يجعل بيت المحسنين عمار ويجعله عامر
نعم؟؟؟؟؟؟؟؟؟؟؟؟؟؟؟؟؟؟؟
تستحضرني مقولة رأفت الشهيرة
بقولك ايه اوعي تعمل كدة
هو انت كنت فاتح محل بقالة ولا سوبر ماركت
يا ابني احنا مرينا كلنا بام المرحلة المهببة دي
اسكت مش انا هسقط واعيد السنة
عادي شفت تلاقيني بضحك برضه زي الهبلة
ههههههههههههه
اوعي يا عمر
اعمل ايه بعديك يا سبعييييييييييييييييي
انا سمعت ان الرجالة بيجلهم اعراض انسحابية ونزعات تدميرية في الشتا وعموما هما بيخلعوا بسرعة في جميع الاحيان
وقال عملين قانون خلع للستات
نصيحة يعني السوق نايم اليومين دول اصبر شوية يمكن ربنا يعادلها في اوانها
مش لاقى دين ام الايميل بتاعك يا وريث علشان ابعت لك العنوان
ابعت لى انت ايميل وانا ابعت لك لينك لمكان الشغل بتاعى
احه جدا
®®
تك تك تتك
مفيش حد هنا..جوجل جابني صدفة امشي تاني؟
طيب
المهم متبطلش تكتب علشان الكتابة اسهل واحسن من الكلام حبة وهاترجع تدور علي الورق والقلم والكيبورد وبلوجر علشان تفضفض وترتب افكارك علي السطور، لو متباعتش علي بعضها يبقي نعمل تفتيت ملكية زي الثورة ونبقي نبيعها بوستات
انا هاروح اشوف بوست التعليم -اللي جرني من جوجل- علشان يمكن اشترية
:P
انت مدعو
لافتتاح مدونتي
يوم السبت
الساعة 2 ظهرا
ما تنس الهدية
ويا جاري خبر جارك
:p :p
eh yaa 3am shoughl el 7kouma dah
dress overlooks bijay milano documenting association berger publishes mehsana electric commentsby
lolikneri havaqatsu
Post a Comment
<< Home