مرحبا أيتها النهاية
!مرحبا أيتها النهاية
لطالمنا توقعناك.. وتناسيناك
مثل شيخ عجوز يتأني في قهوته
........التي قد تكون الاخيرة........
بينما يداه ترتجفان خوفا من المجهول
تتجمع كل لحظات اللذة لتصنع ألما عميقا
أليست كل حياة جديدة نتاج لحظات من اللذة وساعات من الألم؟
لقد مضت لحظات اللذة وبقي انتظار الألم
في صمت، أملا في ميلاد حياة جديدة
يعود الألم فيها ليختلط باللذة
إلي أجل غير معلوم
posted by عمر @ 10:09 AM
15 Comments:
ايـــوه يا عم عمــر
فى ايــه يا با....ليـه كده يا عم عمر
ليه اللون الحزينى ده بس.. ا
ارجع للبلكونه يا صديق السوء..
ان شاء الله النهايه هتكــون زى الورد..كل واحد بياخد على قد نيته يا ابو فــاروق وانت نيتك زى اللبن الصافى..
عندك مثلا واحده زى منــال ..اللهم اعلم بالنهايه بتاعتها..
سلام يامان..
ابقى قول لى عملت ايه فى موضوع الياهو..وهااتصل بيك بكره
سمعتك يا رأفت وأنت بتجيب فى سيرتى
واحدة زى منال؟ ليه أن شاء الله؟ شايفنى بأخطف العيال الصغيرة وأدبحهم وأعمل عليهم ساندوتشات بسطرمة؟ ولا شايفنى قاعدة فى المعتقل متهمة بجرايم حرب؟
:)
عمر
أنت يا بنى عبقرى والله!! قدرت تنقل أحساسك بخبرة وأستذة الموضوع نفسه مثير
النهاية, المجهول, الألم
دى ال3 كلمات المحورية اللى بتقوم عليها القصيدة بتاعتك
بس أنا مش عارفة أنت ليه ساوتهم ببعض.. يعنى النهاية اكيد مجهولة لكن مش شرط تكون مؤلمة
ماعتقدش أن الحياة الجديدة الألم هيختلط فيها بالذة
عجبنى تعبيرك أوى لما بتقول للنهاية (توقعناك) وبعد كده (تناسيناك عندك حق فعلا كلنا على يقين بوجود النهاية دى لكن احنا ببنساها عن عمد وبنغيب نفسنا عن حققيتها
أحساسك عالى اوى يابنى والله وكمان الموضوع من المواضيع المفضلة ليا
سيبك أنت من رأفت.. وخليك عالنظام ده
manal
ازيك يا عم رافت.. والله انت راجل زي الفل! يا عم استني علية شوية بس اديك شايف الامتحانات عملت في ايه... حنزل الياهو وحنهيص متقلقش انت بس
منال: تموتي انت في الجو الجو الكئيب دة .. أنا عارف
:)
بس خدي بالك مش بس النهاية واللألم والمجهول.. فيه كمان اللذة
:)
أنا معاك يا عمر أن اللذة موجودة.. لكن المشكلة أنت مستخدمها ازاى
يعنى عندك مثلا فى أول مرة بتقول
تتجمع كل لحظات اللذة لتصنع ألما عميقا
يعنى اللذة هنا هدفها صنع الألم
وبعد كده بتقول
لقد مضت لحظات اللذة
يعنى اللذة بالنسبة لك اصبحت مجرد ذكرى
وعاما أنا حاسة أن ال
theme
بتاع القصيدة هو الخوف من المجهول والألم
طبعا يا عمر... ده أنا بتمزج جدا من الجو الكئيب ده
:)
بس بجد والله القصيدة دى عجبتنى أوى لأنها صادقة واحساسها عالى
manal
و ربنا يا عمر
لو قلت مش بتعرف تكتب تانى
هعلقك من ودانك وانا بقى تخصص تعليق ناس من ودانها
او ممكن اعضك
انا مرة عضيت جوز خالتى و انا عندى 5 سنين و العضة فضلتمعلمة 3 سنين
:)
شوف الجبروت
يعنى مبحبش بقى نظام مبعرفش اكتب و انا مش بفك الخط
و تتحفنا بكلمتين زى دول
عيب
ها
عييييييييييييييييب
___________________________
حبة جد بقى
ايه العبقرية دى
عارف بجد كتير بنكون مستنيين تغيير مصيرى أو نهاية حدث ما فى حياتنا لكن بنستنى عل مهل ربما خوفا من المجهول فعلا او على يوم يجى تندم فيه على الزمن اللى انت عايشه
لا فى حكمة كانت بتقول
كم من زمان بكيت فيه فلما صرت فى غيره بكيت عليه
كلامك بقى عن اللذة فكرنى بجملة كنت قريتها لأحلام مستغانمى فى روايتها العبقرية فوضى الحواس
كانت بتقول
اللذة كالألم تجبرك على إعادة النظر فى حياتك . على مراجعة قناعاتك السابقة بل و قد تذهب بك حد سؤال جنونى " ما جدوى حياتك بعدها ؟ "
نقلتك من خلال سطورك لروح نص أحلام حاجة بجد بشكرك عليها ربما لان روايتها من رواياتى المفضلة
_____________________
عمر
الصورة جميلة أوى
والله يا منال انا حاسس انك مش عايزة تقتنعي ان فيه أي حاجة مش كئيبة في الكلمتين دول... ماشي! مفيش مشاكل يعني... وكل ما نفسك تهفك علي شوية كآبة ابقي فوتي علينا
:)
أنا حرة: انتي ايه حكايتك مع الودان بالضبط؟ تحبي أجيبلك ودن من ودان الأرانب الي عندي تمارسي فيهم هوايتك؟
انا للأسف ما قريتش الرواية دي لكن الحمد لله ان الكلام فكرك بحاجة بتحبيها.. واهو كله بثوابه
:)
رافـت بأه الكخه دلوقــت
طيب يا عم انت وهيه انا ابقى راجل مسخره لو وريتكم وشى تانى
ولو كتب عند اى حد فيكم كلمه بعد كده ابقى استاهل ضرب الصرم
ليه بس كده
يعنى انا اهرب من عندى
القى كل الناس كده
حرام بجد
!رأفت باشا: انظر الكومنت عندك
أجدع واحد: فيه ايه بس يا عم الحج؟! طيب يا عم حقك عليا بس روق دمك انت بس.. اعملك نسكافيه؟
بس حبيت اعدي و اقلك اني بجد بحب تعليقاتك طلعت صاحب دماغ انت راخر
والله بتضحكني يا عمر باشا
ربنا يوفقك
شكرا يا حفصة... ماساتشوستس كلها نورت
الصوره تحفه جدا
بس الكلام ليه متشائم و يائس؟؟
Post a Comment
<< Home