خمسة شعر
يا دنيا عويصة وحسبة بألف احتمال
..
كبنت عيونها وضحكتها فوق الاحتمال
..
يهل نسيمها ياخدني الأمل والفضول
..
واسأل عليها يقولوا حرام السؤال
..
كبنت عيونها وضحكتها فوق الاحتمال
..
يهل نسيمها ياخدني الأمل والفضول
..
واسأل عليها يقولوا حرام السؤال
زماني بساطوره بيشرح في صدري شرايح
..
يقطع في قلبي ويدي اللي جاي واللي رايح
..
أصرخ وأنادي يا عالَم منين الشهامة؟
..
يقولوا مفيش بس ممكن تلاقي النصايح
____________________________________________________
ملحوظة: حقوق المؤلف المرة دي للعبد لله
posted by عمر @ 9:23 PM
19 Comments:
الله عليك يا عمر
وبتقول مالكش فى الشعر ليه ياعم
ما انت حلو و بتحس و بتقول اهو
كل مره كمان هتبقى أحسن
صحيح انت كلامك حلو اوي انت مش حاسس بنفسك وللا ايه
انا مقطعتش الزياره يا ريت انت تزورني و تقول رايك بالذات علي بتوحشيني ... و يا بختك يا بحر
الحمد لله ربنا كرمك ونزلت م البلكونــــــــه
حلوه صوره البنت اللى حطيبتها دى يا مان..
انت هتعط من ورابا ولا ايه..مش احنا متفقين يا نعك سوي يا بلاش..
كلام جميل يا عمر
زماني بساطوره بيشرح في صدري شرايح
..
يقطع في قلبي ويدي اللي جاي واللي رايح
..
انا مبس مش عاوز اقول اى حاجه..لان لما انا كتب ع الراجل اللى رمى نفسه من البلكونه..فضحتنى انت فى كل مكان..
نا لا ها اتكلم عن الساطور ولا الشرايح
أنا حرة: ايوة بحس أحيانا
:)
زي ما قولتلك انا احب هذا الفن لكن الحق يقال تجربتي فيه محدودة، وعالعموم طالما بتقولي عجبك يبقي حكتب تاني...أديني قلت أهه... وانت حرة
:)
نهر الحب: انتي دايما منورة
انتظري آرائي الفتاكة قريبا... وبرده ماتقطعيش الزيارة
يا عم رأفت علق علي انت عايزة.. انت مش ضيف يعني انت صاحب بلوج
وبعدين فين يا عم انت الرأفتاني في تغذية الحبيبة؟ الجماهير جاعت
الرافتانـــــــــــــى فى الاكل الغرامى قادم يا عمر
العدد اللى جاى
انت بترمـــى بالكلام زى النســـوان ياعمر
وعملى علامه استفهــــــــــــام
وخير بلادك ايه اللى اكله الخسيس.. ما هى خربانه خربانه
يا عم انت انا بتكلم علي الجراد اللي أكل محصول السنة اللي فاتت
بلاش سوء ظن لو سمحت
تم تعديل البيت لضبط الوزن.. عشان ترتاح يا عم رأفت
:)
عمر... ايه يا عم الحاجات الحلوة دى!! أمال كان لازمتها ايه بقى السرقة؟ وشغل (لو تعرف تجرى ابقى حصلنى) ده؟
:) :)
ربك بعقلك عرفته في كل علامة ودليل
عندك حق فعلا
عجبانى فكرة الخواطر اللى أنت عاملها ده
بجد حلوة.... الى الأمام يا بيبرس
:) :)
manal
ربنا يخليكي يا منال
:)
السرقة دي أصلها بعيد عنك داء
عمــــر
هو اســامه ما اتصلش بيك؟
الكوبــرا؟
انا بعت ليه كام ايميل..بس ما ردش على..انا معرفش هو لسه هنا فى فيرجينا ولا رجع لوس انجلوس
انا قلقان عليه يا مان
also, please install the Yahoo Messanger, i dont think you have it
يا ليلتك سودا مغبّرة بكحلى؟؟
انت بتكتب فى السياسة؟؟
بقا أول ما تشطح تنطح؟؟
والنبى انت لسة صغير عالمرمطة اللى حتجرالك
=====
بس بجد
بقيت مكافىء لصاحبك بتاع البلكونة
مفرداتك سهلة وسلسة
بتفكرنى برباعيات عمنا جاهين زماااااان
بالتوفيق لو حتكمل
ليو: منور يا ريس
رأفت مافيش حد كلمني يا حج هو فعلا اختفي مرة واحدة ممكن يكون تاب عن التدوين
شهروزة: سياسة ايه بس؟ انا بتكلم عن لجنة الحكام بقيادة جمال الغندور
ومنورة كالعادة
هنمعل اية بس ياعمر
ربنا يصلح الحال
تحياتى
تامر: شكرا علي المرور ومنور كالعادة
Post a Comment
<< Home