رقص الأبطال
هل سمعت عن فرقة "الفنون" للرقص الشعبي الفلسطيني؟ من دواعي خجلي إنني لم أكن قد سمعت عنها قبل أمس، هنا في بوسطن
دعاني بعض أصدقائي لحضور عرض للرقص الشعبي الفلسطيني علي أحد مسارح معهد ماساتشوستس للتكنولوجيا. لبيت الدعوة متكاسلا. وددت بشدة أن أري أصدقائي ولكني لم أتحمس لفكرة الرقص الشعبي المرتبط في ذهني بالعروض الهزيلة التي تقدم في حفلات افتتاح المهرجانات والبطولات الرياضية في القاهرة
شعورا غريبا انتابني أثناء العرض. العرض عبارة عن فن فلسطيني حتي النخاع. رغم ذلك شعرت بأنني ممثل جزئيا علي خشبة مسرح تلك الجامعة الأمريكية العريقة
ربما يكون سبب هذا الشعور هو كون فلسطين جرح عميق، أحاول بكل ما أوتيت من قوة ان اتجاهله لتيقني من عجزي عن مواجهته. لكن ضعط "الفنون" علي جرحي كان أشبه بضغط الطبيب ذو الخبرة الذي يعلم ان تجاهل الجروح لا يؤدي إلي شفائها
ربما يكون السبب هو كون صورة الشعب البطل الذي تعجز أعتي الأسلحة وأشد الأنظمة وحشية عن إخضاعه قد ترسخت في ذهني عن الشعب الفلسطيني. علي الرغم من أن عرض "الفنون" لم يكن فيه صوت رصاص أو مدافع، ولم تكن فيه صور لجنازة مهيبة، فإن العرض جعلني أدرك أكثر من ذي قبل أن هذا الشعب يحيا، وذلك حين رأيت بنات وأبناء الأبطال يحلقون علي خشبة المسرح الأمريكية في مزيج فريد من الخفة والمهارة والعزة والكرامة
ربما لأن هؤلاء الراقصين الشباب استطاعوا أن يعبروا بعمق عن وطنهم وثقافتهم ونجحوا في أن يوصلوا الرسالة إلي الحضور أفضل من أي من السياسيين أو المؤرخين أو علماء الاجتماع الذين أعرفهم
لكني أظن أن سبب إعجابي الرئيسي بالعرض هو إنني ولأول مرة منذ زمن بعيد أري مجموعة من العرب يؤدون عملا جماعيا بمنتهي الإتقان والسعادة والتواضع
يمكنكم أعزائي أن تشاهدوا هذه الفرقة علي ضمانتي، وأن تشعروا، علي الأقل لمدة العرض، بالفخر لأنكم عرب
posted by عمر @ 10:04 PM
37 Comments:
تعالى يا حلو
وانت عايش معانا هنا فى الولايات المتحده...
قولى
أيوا يا سيدي في الولايات المتحدة في كامبردج -ماساتشوستس، أكتر مدينة زحمة ومسلية في العالم
:)
انت عمرك زورت نيويورك يا عمر افندى؟
هأقول لكم حاجة بس ماحدش يضحك عليا , أنا عمري مازورت نيويورك.
عمر تصحيح بسيط لمعلومة ذكرتها أكثر مدينة زحمة في أمريكا(ماعرفش بخصوص العالم) هي نيويورك (راجع عدد لمجلة التايم من حوالي شهر فية موضوع بيتكلم عن التوزيع السكاني في أمريكا).
على فكرة هو أية اللي حصل للبلوج بتاعك فين كل البوستات اللي قبل كدة .
Ironcobra40
يعنى انت لازم تسيح للواد..
نيويورك ام الدنيا يا عم عمر...
وانت يا عمIroncobra40 مش ناوى تغير البوست المحطوط عندك من زمان..
بعدين عاوزين نعمل رحله لنا هنا فى نيويورك
واللة أنا نفسي جدا أزور نيويورك(أعيش فيها لأ) لأنها من أكثر المدن أثارة زي لندن كدة تعيش فيها كسائح أو كزائر أة أنما أنما تعيش فيها على طول لأ .
وبعدين أنا مش قصدي أسيح و اللة العظيم أنا بس باحب الدقة و بعدين ممكن يكون عمر عندة حق من ناحية المدن الجامعية .
بالنسبة للبوست في المدعو البلوج بتاعي و هو أبعد مايكون عن أن يكون بلوج أنت عارف يا رأفت ان انا ماكانش في نيتي أعمل بلوج من أصلة و بعدين لما عملتة ماكانش في نيتي أكتب فية حاجة أنما أمام المطلب و الضغط الشعبي الكاسح و نزولا على رغبة الجماهير يمكن أفكر و أرشح نفسي لفترة رئاسة عاشرة مدتها 6 سنين ...أحم سرحت و خرفت تاني قصدي أحط بوست جديد يمكن يكون عن رحلتي لمريلاند بس لما أرجع على فكرة أنا طيارتي بعد بكرة الفجر بتوقيت المحيط الهادئ .
انت صدقت يا عم ولا إيه؟ كامبردج دي أكتر مدينة فاضية ومملة في التاريخ! ومتقوليش مجلة تايمز بتقول إن كفر الدوار مملة أكتر وحياتك
:)
أنا شلت شوية بوستات وعملت نيو لوك للبلوج
رأفتاني:أنا بحاول أزور نيو يورك قريب بس الامتحانات داخلة والدنيا بقت سودا خالص
على فكرة اللي أحنا عاملينة هنا دة بيسموة Hijacking the thread دخلنا و عملنا البيت بيتنا و ركنا صاحبة على جنب و بنتكلم في مواضيع تانية خالص مختلفة عن البوست الأصلي لصاحب البلوج , أنا أسف .
انت صدقت يا عم ولا إيه؟ كامبردج دي أكتر مدينة فاضية ومملة في التاريخ! ومتقوليش مجلة تايمز بتقول إن كفر الدوار مملة أكتر وحياتك
أنا أسف ياعم الغلط عالظلط ماخدتش بالي مالدعابة (دعابة) .
يا عم هايجاك براحتك، البوست بوستك
Ironcobra40
تروح بالسلامه يامان
كل سانكس جيفنك وانت طيب..
عمر
انت روحت فين يابنى
هم كده المصريين مالهومش مواعيد
جاتكم نيله مليتو البلد
فيه إيه يا عم رأفت سلامة الشوف... مانا رادد فوق أهه! وبعدين ملينا البلد ايه بس أديني طفشت يا عم
تشرب شاي؟
أية ياجدعان فية أية ؟
أنا هأفترض أن توقيت البلوج دة هو توقيت ماساتشوستس يعني توقيت الساحل الشرقي , معنى كدة أن انتوا بتدلقوا من السرير على الكومبيوتر , أية مقاطيع ؟ دة أنا لسة يادوبك داخل الشغل و عامللي فنجان قهوة و باقول ياهادي , أفتح القي ردين الساعة 6 الصبح يعني 3 الصبح بتوقيتي ياسنة سوخة ياجدعان .
توضيح :
واللة العظيم مانا فاهم حاجة , أنا حطيت البوست السابق الساعة 7:31 بتوقيتي لقيتة ظهر الساعة 7:39 , هو بسم اللة الرحمن الرحيم البلوج دة مالة......فية حاجة يعني!!!!!!!!
اللة يسلمك يارأفت .
I’m so excited , I grew up and traveled a lot and still I never lost this excitement of traveling specially when it comes to flying , I love being airborne .
أصل أنا عقبال أملتك جبت عدد 2 عفريت أمريكاني من عند "بست باي" وحملتهم علي البلوج علشان يظبطوا الزباين
Ironcobra40
انت اسمك ايه يا حاج.. وبعدين ما تقلقش على عمر ان البيت بيتنا.. يعنى هو عمر هيعمل ايه يا حسره ها يطردنا هانروح اى مطرح تانى..
طب يعني يصح الكلام دة يا حاج رأفتاني؟ دا البوست والبلوج واللابتوب كلة منور بوجودكم والله
أعملك حلبة حصا؟
حلبه حصى ايه بس يا عمر هو احنا فى سبوع.. دا انتى عيّل حقنه..
خلاص يا عم حقك عليا.. فيه كركديه
أنا أسمي هو الذي لا يجب ذكرة بصوت عالي .
Ironcobra40
براحتك يا عم الحاج.. يعنى هيكون اسمك ايه يعنى للى يذكر فى الخفاء
رأفت :
المغات بس هو اللي بيتشرب في السبوع و الحلبة اللي فية مطحونة مش حصى , أما الحلبة الحصى فهي مستحبة في جميع الأوقات للذاذة طعمها و خصوصا لما الحلبة تفشر و لكنها مكروهة لرائحة العرق الناتج عنها .
لأ باجد أية الأسم اللي الأمريكان بيتلبشوا منة دلوقتي و مابيحبوش يسمعوة ؟؟؟؟
ملحوظة أخرى : الحلبة الحصى حلوة للي بترضع لأنها بتدر اللبن .
هعهعهعهع.
ironcobra:
والله يا حج انت بتفهم! انا يعجبني الشباب المطلع علي فوائد الحلبي الحصي
أما بالنسبة للاسم إلي بيترعب منه الأمريكان.. فأكيد اسمك أحمدينجاد
صح؟ ولا اسمك كيم يونج؟
لا ياباشا لا دة و لا دة تحب أعملك أختيارات عشان تكسب الجنية الدهب بتاعنا النهاردة .
يا ريت والله أحسن الحالة بقت ضنك أوي
ماشي ياعم :
أختر من التالي :
1-صدام
2-الزرقاوي
3-أسامة
4-أيمن
5-جميع ماسبق
أختار نمرة تلاتة زي المنتصر بالله وربنا يستر
مبروك و تكسب معانا الجنية الدهب اللي مقدماة شركة أيريال النهاردة .
تحب تقول أية لشركة أيريال ؟؟؟
قشطة عليك! ابقي سلملي عالحج أريال وقوله حافوت عليه يوم السبت بعد الماتش
الله شديتنى أدور على رقص شعبى فلسطينى
اصل اناالشعبى عندى يعنى حلاوة شمسنا و الجو ريع طول السنة و كده انت عارف
متعرفش حته اونلاين اتفرج فيها ؟
أنا حرة: الفرقة لها سايت:
http://www.el-funoun.org/
وأحيانا بيقدموا عروض في القاهرة
الف شكر يا عمر
Post a Comment
<< Home