شكرا... الشكر لله
من ساعة من وعيت عالدنيا وأنا عارف إن لما واحد يقول للتاني "شكرا" بيكون الرد الطبيعي جدا هو "العفو"! جديدة دي.. صح؟ بس أحيانا بيكون الرد "عفوا"، أو لو واحد محترم شويتين ممكن يخليها "لا شكر علي واجب
مؤخرا ظهر في مصر رد ما كانش مستخدم قبل كدة بكثرة ألا وهو "الشكر لله". أول مرة سمعت فيها هذا الرد استغربت جدا وقلت في ذهني "انت مالك يا اخي إذا كنت أشكر ربنا ولا لا؟ انت حتتحشر في ديني كمان؟ حاجة غريبة جدا
وفورا رميت هذا الرد في سلة "الظواهر المتشددة القادمة من الخليج" وطبعا إللي عاش في مصر يعرف كويس جدا ان المثقفين المصريين علي اختلاف انتماءاتهم ما عندهمش أكتر من التفسيرات الجاهزة والتحليلات ال"تيك أواي" من هذه النوعية
من حوالي شهر، كنت ماشي في طريق رقم 5 في نيويورك وميت من الجوع، قابلني كشك مكتوب عليه "حلال" بالحروف الإنجليزية. قلت للرجل طلبي بالإنجليزي. شكله كان مصري. أعطيته الحساب وشكرته بالعربي. ابتسم ابتسامة نصف مندهشة ونصف ودودة وقال "الشكر لله
هذه المرة قلت في ذهني "يا سلااااااااااااااااااااااااااااااااااااااااااااااااااااااااااام!!!!" مالها "الشكر لله"؟ بالذمة مش احسن من "شور" ولا "نو بروبلم"؟ والأولي معناها "مؤكد" وتترجم في ذهني إلي "أكيد طبعا لازم تشكرني يا حيوان لأني ضيعت شوية وقت ومجهود علشان خاطر سيادتك" والثانية معناها "مفيش مشكلة" وتترجم في ذهني إلي "أنا عملتلك خدمة عظيمة بس دة ما سببليش أي ضرر يذكر لأنه لو كان حيسببلي ضرر ما كنتش سألت في أمك أساسا"
إنما هذا الرجل الطيب يتعفف أن ينسب إلي نفسه إي خدمة أداها لي. فالأموال إللي اشتري بيها الكشك ومحتوياته والمهارة اللي جهز بيها طلبي ما هي إلا منحة من الله، كذلك الفلوس إلي اشتريت بيها الطلب، قدرتي علي الكلام والمشي والإحساس بالجوع، الصدفة اللي خليتني أقابل هذا الكشك في طريقي، كلها منح من الله..
فعلا.. الشكر لله
مؤخرا ظهر في مصر رد ما كانش مستخدم قبل كدة بكثرة ألا وهو "الشكر لله". أول مرة سمعت فيها هذا الرد استغربت جدا وقلت في ذهني "انت مالك يا اخي إذا كنت أشكر ربنا ولا لا؟ انت حتتحشر في ديني كمان؟ حاجة غريبة جدا
وفورا رميت هذا الرد في سلة "الظواهر المتشددة القادمة من الخليج" وطبعا إللي عاش في مصر يعرف كويس جدا ان المثقفين المصريين علي اختلاف انتماءاتهم ما عندهمش أكتر من التفسيرات الجاهزة والتحليلات ال"تيك أواي" من هذه النوعية
من حوالي شهر، كنت ماشي في طريق رقم 5 في نيويورك وميت من الجوع، قابلني كشك مكتوب عليه "حلال" بالحروف الإنجليزية. قلت للرجل طلبي بالإنجليزي. شكله كان مصري. أعطيته الحساب وشكرته بالعربي. ابتسم ابتسامة نصف مندهشة ونصف ودودة وقال "الشكر لله
هذه المرة قلت في ذهني "يا سلااااااااااااااااااااااااااااااااااااااااااااااااااااااااااام!!!!" مالها "الشكر لله"؟ بالذمة مش احسن من "شور" ولا "نو بروبلم"؟ والأولي معناها "مؤكد" وتترجم في ذهني إلي "أكيد طبعا لازم تشكرني يا حيوان لأني ضيعت شوية وقت ومجهود علشان خاطر سيادتك" والثانية معناها "مفيش مشكلة" وتترجم في ذهني إلي "أنا عملتلك خدمة عظيمة بس دة ما سببليش أي ضرر يذكر لأنه لو كان حيسببلي ضرر ما كنتش سألت في أمك أساسا"
إنما هذا الرجل الطيب يتعفف أن ينسب إلي نفسه إي خدمة أداها لي. فالأموال إللي اشتري بيها الكشك ومحتوياته والمهارة اللي جهز بيها طلبي ما هي إلا منحة من الله، كذلك الفلوس إلي اشتريت بيها الطلب، قدرتي علي الكلام والمشي والإحساس بالجوع، الصدفة اللي خليتني أقابل هذا الكشك في طريقي، كلها منح من الله..
فعلا.. الشكر لله
posted by عمر @ 2:01 PM
36 Comments:
يا راجل، ودي تطلع إيه دي كما؟
عجبنى تفسيراتك لعبرات رد الشكر الغربية مثل
no problem, sure
:)
واللى عاجبنى أكتر الكلمتين اللى انت كاتبهم عن نفسك فى البروفيل بتاعك... عمرك كله أقصر من فترة حكم رئيس الجمهورية!! عندك حق والله
:)
الظاهر أنك هتشوف أحفادك والحال زى ماهو برضه
تحياتى لك على البلوج الجميل ده ويارب ترجع مصر بالسلامة... ده اذا كنت عايز ترجع أساسا
:)
manal
منال: زيارتك كانت مفاجأة سعيدة! انا سعيد ان المدونة عجبتك وإنشاء الله ما تكونش آخر زيارة
:)
عمر أفندى
اناعاوز اعرف فين الكشك اللى فى الفيفس افينوا .. انت هتشتغلنى ولا ايه.. بس لما تيجى نيويورك.. ع الاقل الراجل ده شكرك.. فى بأه ناس بتهز دماغها..واللى يغمزلك بعينوهم وللى يقول لك
you got it!!
عملت الكركريه؟
يا باشا نقعنا الكركدية وكله في التمام
أيوة يا معلم فيه كشك في الفيفث أفينيو، تقريبا عند شارع 40 أو 35 حاجة زي كدة علي إيدك اليمين وانت متجه جهة الشمال، حتي بالأمارة بعديه بشوية فيه محل بيبيع ال6 تيشرتات بعشرة دولار.. وأي خدمة
:)
حلو اوى انك معندكش ما نع من الكلمه
الحمد لله والشكر لله
ليه بقه عندنه حسا سيه من كل حاجه فيها ربنا يا عمر
عندك بوش
الحرب فى العر لق الهيه
اسر ائيل تنفذ عنا ية الله
الحرب على الاسلام استكما ل للحروب الصليبيه
كله عن الله واحنا0000000000
تحيا تى
أن شاء الله يا عمر مش هتكون أخر زيارة
:)
بس ايه الخيانة دى؟ قاعد أنت ورأفت تشربوا كركديه وسايبنى ملطوعة كده!! ماشى ماشى... بس خليك فاكرها
وأنا اللى قاعدة أعزم عليكوا فى البلوج بتاعى ببرتقال وعنب (ده بالذات علشان رأفت) يا بنى البلوج بتاعك بعيد وأنا باجيلك من القاهرة مخصوص
:)
manal
جحيم: والله سؤالك في الصميم
يقال انه في الحالات اللي بيكون فيها تيار متشدد معين في مجتمع معين، بيظهر تيار متشدد قصاده يحاول يقاومه، والتيار التاني بيكون عبارة عن رد فعل بينتقد فقط، والاتنين بيفتقدوا الرؤية الموضوعية للامور
رايح تسيح لى فى المحليات يا عمر.. ماشى
رايح تفضحنى فى دول العالم التالت
ادخل ع البروفيل بتاعى وابعت لى ايميل يا مان...علشان اديك رقم التليفون.. شكلك رخم وهتبقى صاحبى
دول عالم تالت؟!! ماشى يا رأفت يا بتاع دول العالم الأول
:)
عجبك كده يا عمر؟ أنا لو منك أروح أدور على مدونات ناس من أثيوبيا والكاميرون والجابون وأسيحله بجد هناك
:) :)
علشان يحرم
وعقابا ليك بقى يا رأفت أنا هادورلك على أغنية أنيل من العنب وهابعتهالك
:)
manal
الله يلعنك يا عمر.. انا فلت انك هتمسح الكمنت ده قبل منال ما تشوفه..وتقرا عن العالم التالت.. لكن انتى عيّل رخم..
خلصو بأه ياجماعه واللى عنده غنوه وحشه يبعتها. انا بأعمل بوست عن الاغانى الوطينيه.. وان شاء الله اللى بعده عن علاقه الاكل بالغرام وبعده.. الحبيب الرخم
اللى كاتم على نفس حبيبته
طبعا احنا عارفين ان اللي بيعيش في نيو يورك بينسي بلده لدرجة انه ما يعرفش كشك عم برعي اللي في الفيفث افينيو وبيبتدي مع الوقت ياكل برجر كينج ويسمع جانيت جاكسون
أما أفضل ألاغاني "الوطينية" علي الإطلاق فهي أغنية "ارضك بتنده" للفنانة المبدعة ألغام
انت شكلت بعتنى يا معفن وقاعد تذاكر..
انا بعتلك ايميل علي العنوان الغريب اللي انت حاطه في البروفايل بتاعك
انا عاوز اعرف العنوان غريب ليه يا عم الحاج..هو فى باب الشعريه ولا مينا البصل..
الايميل وصل.. وانا بعت لك ايميل برقم التليفون بتاعى.. انا مردتش اتصل بيك علشان انتى بتذاكر
كده يا رأفت! وأنا اللى قلت هاتيجى تصالحنى بحتة شوكولاتة ولا اتنين كيلو عنب؟
:) :)
يا عمر.. جانيت جاكسون مابتتسمعش دى بتتشاف بس
:)
manal
بصراحة انا راى ان كلمة الشكر لها ليس فيها عيب لان احنا وجودنا نفسة وحياتنا من الله
ممكن تكون من رايك انها تزمت
بس انا شايف انها عادية
وبالنسبة انى لو شكرت على فعل ايضا ليس عيب ولا حرام
عادى الاثنين
تحياتى
شيكولاته ليه يا منال
مش انتى قولتى انك عاوزه بنجر
يا سيدى أى حاجة! بنجر, كفتة... أهو أى حاجة تيجى منك والسلام
:)
على فكرة انا بحضرلك دلوقتى أغنية مسفة, أنما ايه! عجب! أنا وراك والزمن طويل يا رأفت... هأخليك تدمن الأغانى دى أن شاء الله
:)
manal
الشكر لله فعلا
من فترة كدا كل ما اشتري حاجة او اطلب حاجة وتجيني اقول شكرا يقولى الشكر لله
استغربت فى الاول بصراحه وبعدين حسيت انى مكسوفة اقول شكرا للبياع
بس هو فعلا فعلا الشكر لله هو حد ملك شئ ولا وهبة لنفسة غير بمشيئة ربنا سبحانة وتعالي
طبعا الشكر لله
فكل ما يحدث لنا بأمر الله
وانا موش متشدده ولاحاجه
بس الله سبحانه وتعالي قال (
لأن شكرتم لأزيدنكم
صدق الله العظيم
وأجمل شيء هو أنك أعترفت بالحق
فالأعتراف بالحق فضيله
حلو البوست سهل وبسيط
ويدخل القلب
منال والمهاجر: ياخوانا بنجر ولا شيكولاتة مش حاتفرق يعني كلها من فواكه البحر
تامر: شرفتنا بالزيارة وشكرا علي التعليق
الزعيمة: كان برده عندي نفس رد الفعل دة، لكن لزوم التوضيح للسادة المشاهدين، أنا مش بقيم كلمة "الشكر لله" في حد ذاتها، لكن أنا كل غرضي اني ابين ان الانسان لما بيسافر الغرب بيزداد تقبله لثقافة بلده وتفهمه لها، علي عكس اللي بيتوقعوا انهم حيسافروا وينسوا البلد باللي فيها ويبقوا مش عايزين يرجعوا، فالحياة في الخارج تعطي الإنسان فرصة للشعور بجمال العادات والأخلاق المصرية
مكسوفة: يا أهلا بيكي.. أنا سعيد ان البوست عجبك، ويا ريت تسلميلي علي القطة وعلي عمو السباك
:)
انا مع ماما مكسوفة
فى الكلام اللى قلته
هو انت ايه غير عبد
عند الله
اشكر ربك يخفرل
أجدع واحد، والله المنطقة نورت يا باشا، ما تبقاش تحرمنا من الزيارة السعيدة دي
ياااااااااااا ليلتك الكروهات يا عمورة دا انت طلعت فقري بجد انا حبيتك لله فلله
من ساعة ما شفتك وانت ممرمط الواد رامي تحياتي لك والشكر لله ان انا عرفتك
بص يا عمر يا ابنى
طبيعى وبديهى يكون الشكر لله
المسيحيين الأمريكان زى ما بنشوف فى الأفلام كدة وقت الطعام
مش كلهم طبعا قلة منهم
تقدم شكر لله اللى جمعهم ووهبهم اكل حلو ولمة حلوة زى دى
احنا بقا
مخنا بقا اسطنبولى عالاخر
أى كلمة نذكر فيها الله تترجم توماتيكى توماتيكى للتعصب والتطرف والتشدق وكلام كبير من دة
لكن بكل فخر
هى دى الفطرة السليمة للانسان قبل ما يتحجر ويعمل فيها انه الة الكون
عموما متشكرنيش با ولدى على الكلمتين العظام الفخام دول
طبعا الشكر لله
ههههههههه
باهزر
عمر
انا اول مرة اعدى من هنا بس ان شاء الله مش الأخيرة
بخصوص الشكر لله
ممممممممممممم
مش عارفة أنا بقولها بقالى 4 سنين و للا أكتر و فاكرة انى سمعتها بس فى شريط دينى لوجدى غنيم و انا بحب الراجل ده و اقتنعت ساعتها بس قررت مش هضغط على نفسى علشان اقولها لكن هسيبنى لحد ما تطلع لوحدها و صدقنى يوم ما طلعت و لحد دلوقتى كل ما اقولها بحس بسعادة داخلية غير طبيعية و بحس فعلا انى مش محترمة بس بقول كلمة حق و كمان باخد عليها ثواب
و جميل انك حسيتها و عقبال ما تقولها
بحس فعلا انى مش محترمة بس بقول كلمة حق و كمان باخد عليها ثواب
على فكرة ما قصدتش انى بحس انى مش محترمة انا قصدى ان مش الاحساس اللى بيجيلى انى محترمة على اد ماهو قناعة ذاتية و انبساط انى بشكر ربنا
على فكرة عجبنى جدا تفسيرك ل
sure & no problem
المزاجنجي: يا باشا البلوج منور... انا مش عارف بس الرأفتاني مزعلك أوي ليه كدة.. هوة سالف منك حاجة؟ أنا اصلي عارفه...
شهروزة: متفق معاكي تماما
أنا حرة: شكرا علي مشاركتك لنا حكايتك مع الجملة محل البوست! بس برده أحب أنوه (للسادة المشاهدين) ان المسألة مش مسألة كلمة معينة، الموضوع متعلق بالتحول السيكولوجي السوسيولوجي المتعلق بتغيير البيئة المحيطة
صح؟
طبعا يا باشا
يا باشا كتر خيرك دا من ذوقك بس
Post a Comment
<< Home